വൈകീട്ട് എട്ടുമണിക്ക് കയറിയാല്, ഷിഫ്റ്റ് കഴിയുക പുലര്ച്ചെ നാലുമണിക്ക്. പിക്ക് ചെയ്യാനും ട്രോപ്പ് ചെയ്യാനും കമ്പനി വക ട്രാവലര്. ഒരു പേടിയും ഇതുവരെ തോന്നിയിരുന്നില്ല നയനയ്ക്ക്. രാത്രി ഏറെ വൈകി കിടന്ന്, രാവിലെ ഏറെ വൈകി എഴുന്നേല്ക്കുന്നതാണ് അല്ലെങ്കിലും അവള്ക്കിഷ്ടം. ഇപ്പോള് രാത്രിയിലെ ജോലിയും ട്രാവലര് യാത്രയും ആലോചിക്കുമ്പോള് തന്നെ ജോലിക്ക് പോകാന് മടിയാണ്. സഹപ്രവര്ത്തകരില് ഏറെയും പുരുഷന്മാര്. സുഹൃത്ത് ഹിബ മറ്റൊരു കമ്പനിയിലേക്ക് ജോലി മാറിപ്പോയി... ലയയുടെ വിവാഹമായതിനാല് അവളും ലീവിലാണ്. ഇരുപതോളം പേര്ക്ക് യാത്ര ചെയ്യാവുന്ന ആ ട്രാവലറില് അവള് മാത്രമാണ് ഏക പെണ്കുട്ടി. ജോലി സ്ഥലത്തും ഏതാണ്ട് അങ്ങനെയൊക്കെത്തന്നെ. ഏതു നിമിഷവും താന് ആക്രമിക്കപ്പെട്ടേക്കുമോ എന്ന ചിന്ത അവളുടെ ജോലിയുടെയും ഉറക്കത്തിന്റെയും സൗഹൃദത്തിന്റെയും താളം തെറ്റിച്ചിരിക്കുന്നു. നയനയുടെ പെരുമാറ്റത്തിലെ അരക്ഷിതാവസ്ഥ അവളുടെ സഹപ്രവര്ത്തകരെയും അസ്വസ്ഥതപ്പെടുത്തുന്നു...
*** *** ***
രണ്ടാംക്ലാസ്സുകാരി തന്ഹ സ്കൂള് വിട്ടുവരാന് അല്പം വൈകിയാല് തലകറങ്ങുന്ന പോലെയാണ് തസ്ലീനയ്ക്ക്. ആരായിരിക്കും, എവിടെ തിരഞ്ഞാലായിരിക്കും, എന്തായിരിക്കും എന്നൊക്കെ ആലോചിച്ചാലോചിച്ച് അവള്ക്ക് ഭ്രാന്തുവരും. ദാമ്പത്യജീവിതത്തിലെ ആ നല്ല നിമിഷങ്ങളെ അത്രമേല് മനോഹരമാക്കുന്നത് പലപ്പോഴും സലീമിക്കായുടെ സ്നേഹപൂര്ണമായ പെരുമാറ്റമാണ്. അപ്പോള്, ജീവനും മാനത്തിനും വേണ്ടി ചെറുത്തുനില്ക്കുന്ന ഓരോ പെണ്മേനിയിലേക്കും എത്ര ക്രൂരമായും മൃഗീയമായും കാടത്തപരമായും ആയിട്ടായിരിക്കും തന്റെ പൗരുഷത്തെ അവന്' ആഴ്ത്തിയിറക്കുന്നുണ്ടാകുക?
**** ***** ****
നയനയും തസ്ലീനയുമെല്ലാം സമൂഹത്തിലെ പെണ്മനസ്സിന്റെ പ്രതിനിധികള്.... മനസ്സില് ഒരു തുരുത്തുകെട്ടി ഒറ്റയ്ക്ക് താമസിക്കാന് ആഗ്രഹിക്കുന്നവര്... ചോര പൈതലിന്റെ മേനിയില് വരെ കാമം തീര്ക്കാന് ആണൊരുങ്ങുമ്പോള്, പിറന്നുവീഴുന്ന ഓരോ ആണ്കുട്ടിയെ 'ഭയക്കുന്നിടത്തേക്ക് പെണ്സമൂഹവം എത്തിയിരിക്കുന്നു. പെണ്ണിനെ പുരുഷന് വെറുമൊരു ലൈംഗിക ഉപകരണമായി മാത്രം കാണുമ്പോള്, പെണ്ണിനെ സംബന്ധിച്ചിടത്തോളം പുരുഷന്, പേടിക്കേണ്ട, അകന്നുമാറി നില്ക്കേണ്ട, അകറ്റി നിര്ത്തപ്പെടേണ്ട ഒരു ഭീകരസത്വമായി മാറിയിരിക്കുന്നു.
പണ്ട് ജാതിവ്യവസ്ഥ ഏതവസ്ഥയിലാണോ തൊട്ടുകൂടായ്മയും അയിത്തവും ആചരിച്ച് സമൂഹത്തെ വിഭജിച്ച് നിര്ത്തിയത്, അതേ അവസ്ഥയിലേക്കാണ് പീഡന വാര്ത്തകള് സമൂഹത്തെ കൊണ്ടുചെന്നെത്തിച്ചിരിക്കു
പെണ്ണെന്നാല് പുരുഷന് വെറും ശരീരമായി മാറിയ കാലത്ത് തന്നെത്തന്നെ അവള് വെറുത്തു തുടങ്ങുന്നു. എന്നിട്ടും അവള്ക്കു ചുറ്റുമുള്ള വേലിക്കെട്ടുകളുടെ വീതി വീണ്ടും വീണ്ടും കുറഞ്ഞുകൊണ്ടേയിരിക്കുന്നു.
നിയമങ്ങളും പദ്ധതികളും ഒരുപാടുണ്ട് അവളുടെ സുരക്ഷയ്ക്കായി. ഇനിയും വരും ഒരുപാടൊരുപാട്... പക്ഷേ, ഇനിയും കേള്ക്കാം ഇത്തരം വാര്ത്തകള് ഒരുപാടൊരുപാട്.... അതിനനുസരിച്ച് പേരറിയാത്ത മാനസികരോഗങ്ങളും കണ്ടുപിടിച്ചെന്നുവരാം. അവയ്ക്കെല്ലാം വായില്ക്കൊള്ളാത്ത പല പേരുകളും ശാസ്ത്രം നല്കിയെന്നും വരാം... സമൂഹത്തിന്റെ ഈ രോഗത്തിനുള്ള മരുന്നോ പ്രതിവിധിയോ മാത്രം കണ്ടുപിടിക്കപ്പെടുന്നില്ലെ
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ